Қарауыл төбе

Қазақ күресі 

 

Қазақ күресі – нағыз ұлттық рухты көтеретін, жігер мен күшті, төзім мен ерлікті сынайтын дүбірлі дода. Бұл сайыс тек күштің емес, әділдік пен парасаттың, ұлттық болмыстың көрінісі екенін тағы бір дәлелдеді. Жарыс барысында палуандар шын шеберлік пен жігер көрсетті. Әр қатысушы өз елі мен ата-бабасының рухын биік ұстап, намысты қолдан бермей күресті.

Өгіз палуан

1 орын Еркінұлы Жігер- Алматы қаласы

2 орын Тоқтасынұлы Тілек - Жетісу облысы

3 орын Қайырбеков Мейірбек Қайратұлы– Абай облысы

3 орын Аманшүкіров Нұр Серікұлы – Жамбыл облысы

Түйе палуан

1 орын Жарылғапов Нұрдәулет - Маңғыстау облысы

2 орын Қажыбаев Ерасыл Жанарбекұлы - Абай облысы

3 орын Крикбай Ғалымжан Шайахметұлы - Жамбыл облысы

3 орын Қаблан Нұрсұлтан Асланұлы - Қостанай облысы

Барша палуандарға алғысымызды білдіреміз! Жеңіске жеткендерді шын жүректен құттықтаймыз!

Қой көтеру

«Ер жігіт» сайысының I кезеңінің 3-бөлімі – қой көтеру сайысы жоғары деңгейде өтіп, өз мәресіне жетті. Бұл сайыс – жігіттің күшін, төзімін, қайратын сынға салатын нағыз батырлық өнер. Қатысушылар білек күшіне сүйеніп, мүмкіндіктерін соңына дейін сынап көрді. Көптің ішінен оза шапқан нағыз намысты жігіттер анықталып, жүлделі орындарға ие болды.
I орын - Аукенов Айбек Серікқанұлы
II орын - Бекбосынов Аслан
III орын - Төлепберген Дулат Дәулетханұлы
Жарыс барысында көрермендер нағыз жігер мен рухтың үлгісін тамашалап, сайыс шынайы қызыққа толы тартысқа айналды. Жеңімпаздарды шын жүректен құттықтай отырып, ұлттық рухты дәріптейтін мұндай сайыстардың ел ішінде кеңінен жалғаса беруіне тілектеспіз!

Теңге алу

Теңге алу — ептілік пен ерлікке толы ұлттық өнер! «Ер жігіт» сайысының I кезеңінің 2- бөлімі - теңге алу сайысы өз мәресіне жетті. Жерден шапшаңдықпен теңге ілу – тек шабандоздықты ғана емес, мергендік пен ептілікті, атқа міну мәдениетін, намыс пен рухты талап ететін сайыс. Қатысушылар қалың көрерменнің көзайымына айналып, нағыз шабандоздықтың шебер үлгісін көрсетті.
Сайыс қорытындысы:
I орын - Аукенов Айбек Серікқанұлы
II орын - Нүрпейіс Бірлік Ержанұлы
III орын - Төлеутай Баянды Асетұлы

"Қыран бүркіт" бүркітшілер сайысы 

Ұлттық аңшылық дәстүр мен құсбегілік өнерін дәріптейтін дүбірлі дода – «Қыран бүркіт» бүркітшілер сайысы өз мәресіне жетті. Сайыста қыран құстар мен олардың иелері – құсбегілер өзара бақ сынасып, дала қыранының шеберлігін, қырағылығын паш етті. Тартысқа толы жарыс барысында қатысушылар ата-баба мұрасын лайықты деңгейде көрсетіп, көпшіліктің ыстық ықыласына бөленді.
Жарыс нәтижесінде үздік бүркітшілер анықталды:
1-орын Бабажан Бақдаулет Жалғасұлы, Жамбыл облысы, құстың аты Қапсалған
2-орын Жәркен Нұрлыхан Әділұлы (Қарағанды облысы), құстың аты Қараторғай
3-орын Жексембаев Шамиль Бекболатович (Павлодар облысы), құстың аты Сонар
Бүркітшілік – тек өнер ғана емес, ұлттық рух пен болмыстың символы. Сайысқа қатысқан барлық құсбегілерге алғыс айта отырып, ел рухын асқақтатар осындай шаралар жалғасын таба берсін дегіміз келеді!

"Ер жігіт" сайысы

Ер намысы сыналатын «Ер жігіт» сайысының I кезеңінің 1 бөлімі өз мәресіне жетті. Ұлттық рух пен жігерді шыңдайтын бұл додада қатысушылар батырлық пен ептіліктің үлгісін көрсетті. Көптің ішінен суырылып алға шыққан мықтылар анықталып, I кезеңнің 1 бөлімінің қорытындысы бойынша жүлделі орындарды иеленді:
I орын – Уркимбаев Айдос Тилекович 
II орын – Төлепберген Дулат Дәулетханұлы
III орын -Бақытов Әмірғали Бақытұлы
III орын – Амангельдинов Нұрсұлтан Берікұлы
Жеңімпаздарды шын жүректен құттықтаймыз! Ел намысын жанына жалау еткен жігіттерге келесі кезеңде де сәттілік серік болсын!

"Құмай тазы" тазы иттер жарысы

Жеті қазына» жобасы аясында «Құмай тазы» тазы иттер арасында өткен жарыстың қорытындысы:
  I орын Құдайбергенов Айдын Сейтқажыұлы (Алматы облысы), тазы иттің лақап аты - Сылдыр.
  II орын Төкешов Азамат Қайратбекұлы (Қарағанды облысы), тазы иттің лақап аты – Желқара.
  III орын Акильжанов Рахат Карышагимович (Үржар ауданы), тазы иттің лакап аты – Құлпынай.
  Ұлттық болмыс пен аңшылық өнердің ажырамас бөлшегі саналатын қырағы тазыны дәріптеген жарыс жеңімпаздарын шын жүректен құттықтаймыз!

10 тамыз